SLP: Emily, Laimp4 nih bia hal kan in duh i na si thiam hnga maw?

EMY: Keimah hna bia hal nan ka duh ahcun asi kho tuk ko.

SLP: Na tuanbia tawi na kan chim kho hnga maw?

EMY: Ka min cu Emily Ngunhlei Sung ka si. Zephai khuami, Mangbik Sang Chin le Cer Iang fanu ka si. Mizoram Tuipang khua ah 1995 June 6 ah ka chuak. Unau 5, nu 4 le pa 1 kan si. Kei hi upa bik changtu ka si.

SLP: Atu nan umnak le na cawnnak?

EMY: Atu kan umnak hi Indianapolis ah kan chhungkhar in kan um. SouthPort High school ah tang 9 kai lio ka si.

SLP: Hlasak na thiammi hi cawnnak hna na rak ngei maw?

EMY: Hlasak hi cawnnak ka ngei lo nain, kum 7 ka si lio ah kan saya pa B.Dingchhuak nih hin aw chuah zia arak ka cawnpiak bal. BAWIPA nih a ka pekmi laksawng a si.

SLP: Love song he Pathian hla he maw na sak tawn?

EMY: Pathian nih laksawng a ka pekmi aw a si ruang ah Pathian hla ( GOSPEL songs) lawng ka sak.

SLP: Pianthar hnu love song sak kong ah na ruah ning?

EMY: Piangthar taktak an si ahcun love songs cu an sa ti lai lo, tiah ka zumh.

SLP: VCD hi nangmah tein na chuah bal cang maw?

EMY: VCD hi single album cun ka chuah rih lo. Chuah dingah thla ka cam lio a si. Midang nih an ka sawmnak ah cun VCD 7 ah ka sa cang.

SLP: Na VCD ah hin hla na sak le na cawlcangh hi na kum rup ahcun uar na um tuk. Cawnpiaktu hna na ngei maw?

EMY: Aw kai lawm tuk..:) hehee...mah hi cu Pathian nih talent aka pek mi a si tiah ka ruah ve ko. A ka chim tu an um lo, Ka nu nih hin tlawmte cu a ka chimh pah le a si ko heheee....

SLP: Hla na sak lio, na van cawlcangh le na kut hna na van thlir ah khin ningzahnak le tihphannak na ngei pah maw?

EMY: Bawipa sinah thla ka cam caah tihnak zei hmanh ka ngei lo. Hi nak tam deuh hmanh hin Bawipa cu thgangthat awk a tlak mi a si.

SLP: Hla na saknak hin phaisa hna na hmu pah tawn maw?

EMY: Aw PATHIAN thawngin Mizoram leh Malaysia ah ka sak lio in Laksawng cu an ka pek pah.. U.S ka phan hnu ah hin ZFA, IZYF, Falam, CEBC hna nih lawmpinak laksawng an ka thenh ve i kai lawm ngai. :)

SLP: Tlangval uarmi teh na ngei cang maw?

EMY: Ka hngakchia rih le tlangval kong cu ka ruat rih lo. Jesuh tu hi ka tlangval tha bik a si ko.

SLP: Lai mino na hawi le sinah biacah na duhmi?

EMY: Lai Mino ka hawi le sinah ka chah duh mi cu: a hmasa bikah zei kan tuah nak poah ah PATHIAN tihzah buin tuah u sihlaw, cun, Laimi kan si bantukin ramdang ah kan tlawnlen tikah anmah ram nunzia tha lo mi te hna, nu le pa upat lo te hna, chungkhar i tlaihchan lo te hna hi hrial kho usih ti hi ka cah duh mi a si.