kan ngei kho rih lo
A MITHIANG LENNAK LAIRAM
1.Lairam ah tupi le thingkung phun an tling ee,
thei phuntling an ser rawl caah,
mana tlai kan tie e,
nihin lairam dawh I tupi le thingkung cu
ni khatkhat ahcun Laimi ca tangka kung an cang te lai.
Chorus
Lairam dawh te cu (Laimi kan lennak Lairam dawh te cu)
Eden dum………..( Bawipa pekmi Eden dum a si)
Mithiang lennak maw lairam (A khamhciami a mithiang lennak lairam)
Thli thiang a hrang ( Thlizil thianghlim nem tein a hrang)
Ti thiang a luang. ( Tikik fimte dai tein a luang)
A thiang hlimmi. (A khamh ciami a thianghlimmi Khrihfa ram)
2.Pardawh phun zong an tling,
partawi parsau an ti,
hrambon parrang e ti’n an kawl tangka sui ngun an cang,
nihin Lairam dawh I pardawh phuntling hna cu
ni khatkhat ahcun Laimi ca damnak sii an sit e lai.
3.Hramh le belh kan ti tawn,
tlangsaam le faihrem zong nihin
ni ahcun non ttha bik mansunglawi an si cang,
nihin Lairam dawh I kan hramh le belh hna cu
ni khatkhat ahcun Laimi ca’h thil mansung an cang te lai.
1.Minung fimnak a tthang Pathian kutneh hna an rawh,
khuacaan thlen ning hna an hman kho ti lo i,
rawtfah tlangrai a chia, siibawi thiamsang an tam,
siivai ttha zong a tam chin,
Pathian sin thlacam zongah dam kho loin,
kan chan hna a tawi chin.
Chorus
Lennak………(Kan tlawn lennak)
Vawlei…………(Sermi vawlei)
Hi a hmanzia thiam usih…(Usih)
Eden……………………. dum ah
( Sertthan Eden dum dawh te ah a thar in sertthan kan herh, ei lo ding
thingthei cu an ei ca Eden a rawk, sermi thil rawktu sihlah, dawhternak
leiah kan kut hmang cio usig.
2.Minung fimnak a tthang ramsa thah ning kan thiam chin,
raphri hna kan chia I ngaleng thahnak ah sii dainamu kan hmang,
mupi, ramui, cehngia she awk an ngeih lo ruangah
kan zuat sattil art u an paam cuahmah hi
lungfim a cuh lo maw?
3.Minung fimnak a tthang zumhnak kongah kan buai chin,
van lei lawng zoh in kan vawlei cu
sualnak tiah chiat hna kan serh cang,
Pathian kan zumh ruangah vawlei zoh philh hlah usih,
Khrihfami vailam cu a phei vawlei ca a tung van ca a si.