BAWI KHRIH CAAH
Hu…..vawlei ceunak kan si.
Bawi Khrih caah tthangthar leng le val rual hna.
Bawi Khrih caah kan ttuan lai lungkhat in.
Vawlei cung khua zakip kal in Khrih thawngttha phuang usih
kan nunnak kan zeizong Bawi Khrih ca’h,
Khrih thawngttha um lonak rammui ramro ramcar
ttahnak nih maw seino nang le kei a kan auh.
Chorus
Sunghno nu pa kan kaltak cang Bawi Khrih ca lungduh hawidawt kan
kaltak cang Bawipa ca, kan kal lai Pathian ram ca harhnak tam hmanhseh
kan ttuan lai Pathian pennak ram hi kau chinh seh zattial tleih in maw
seino hna, zuam chin uh maw seino.
Hu…..vawlei ceunak kan si.
Bawi Khrih caah tthangthar leng le val rual hna.
Bawi Khrih caah kan ttuan lai lungkhat in.
Vawlei cung khua zakip kal in Khrih thawngttha phuang usih
kan nunnak kan zeizong Bawi Khrih ca’h,
Khrih thawngttha um lonak rammui ramro ramcar
ttahnak nih maw seino nang le kei a kan auh.
CALVARY AH
NU:Liamcia ka nunnak lam ah
ruahchanhnak lo mitcaw bang hmai lei ka nunnak ca ruat
in bochan halnak thaw chuah in.
PA:Lung rethei in um ti hlah chanbau sifakmi caah
a thisen sungbik a thlek cang Jesuh
nih Calvary ah.
Chorus
Calvary tlang ah, (Jesuh thlekmi),
A thisen sung cu, (Misual kan ca’h),
Nunnak cerhti a si, (Khuamui in ceunak ah),
Mi vialte hruai awk a nunnak
pek in, vailam ah. (Caan ttha liam hlan ah),
Kan sual ngeihchih in kut
zattial tleih in, hmainawrh usih.
NU:Tukforhnak thlichia a hrang harnak tiva pi
tan awk thinlung kuai in mitthli he thlichia
tilet pi lakah.
PA:Mitthli hnawt in tho cang law thlichia tilet
harnak le ral vialte himhtertu Bawipa
Jesuh sin panh ve cang tuah.
N: Mah duhning nunnak ni ceudawh pin leiah
thlizil an dai khuadawm nih hram an
Thawk.
P: Van khuamui nih kan vawlei kuttang hup in
ngeihchiatnak chunmui a tlung.
N: Eden Dum ah Adam nih khamhmi
thingthei a ei ruangah van innka khar a si cang.
P: Gesmani Dum chungah Jesuh dinhmi
harnak hrai nih van innka a hun tthan.
Chorus
Sermi thil nih sertu a philh ruangah
Calvary tlang dawh cu, fei in
chunhnak Bawi Jesuh hnakmit nih ti le
thisen mitthli a luang, ti thiang in
mitsur in thisen an cang sualnak man
liam dingah, Calvary mitthli
sunglawi bik thawng in hi vawlei nih nunnak a hmuh.
N: Sehtan rulhreu tukforhnak tei khawh
loin vawlei cu sual lam a hruai cang Eve nih.
P.N: Sualnak ruangah chiatsermi kan vawlei
nih luat tertu Bawi lawng awrh in.
N: Sehtan rulhreu luu cungah kedil chiah in,
vawlei luat tertu a hrin Mary nih.
P.N: Calvary tlang vailam tung ttang pawmh ni in,
Mary cu mi vialte nu a si cang
Hi vawlei chawva phunkip le sunghno nu pa unau kaltak in,
lung hnemhtu hawikawm dawt hnu herhtak in
kaa pekchan lai Bawipa ca. Harsatnak le do ral tam hmanhseh.
Chorus
Sehtan tukforhnak zong ing hmanh ning,
ka doh lai Bawi Khrih min in kaa timhmi par dawh ka ttawh hlan tiang.
Vawlei chawva le nuamnak nih tulhri
zelh bang in an zelh maw hawidawt,
pakhat ca lawng maw na nunnak,
mi zakip ca naa siang lo maw hawidawt.
Bawipa hmai ka kamhmi bia zulh in ka ttuan lai
ka thi tiang Bawi Khrih ca,
mi zakip ca ttuan dingah toidawrh lunghnemhnak ka pek Bawipa.
Caan dongh ni ahcun zumtu thlarau vialte
biaceihnak hmun ah cuaithlai kan in te lai.
Kan nun chung tuahmi kan sual tthatnak vialte,
thlarau he tthen lo thladem bang an zulh lai.
Zarh tin pumh le cheuhra chuekhat chim lo,
Bawi Jesuh nih hitihin an hal lai.
Mizaw thongtla na zoh bal maw?
Sifak ngaktta nuhmei na bawm maw?
Kei cu mizaw thongtla sifak hna ca nu pei ka si a ti Bawipa nih.
Khrihfa tling nih cun hawi an sifak lioah
an ngeihchun pek in an dawtnak langhter hna.
Khrihfa nawlbia vialte tlinter tu dawtnak,
kan thlarau caah sunglawi bikmi dawtnak.
Zumhnak lawng in Khrihfa kan si sual cun,
Bawi Jesuh cu zumhnak lawng zoh loin.
Zarh tin pumh le cheuhra cheukhat chim lo Bawi Jesuh nih hitihin an hal lai.
Elshaddai Elshaddai El-Elyon na Adonai kan biak thangtthat mi Pathian, hramthawk donghnak ngei lo Bawi, Elshaddai Elshaddai El-Elyon na Adonai zungzal thangtthat dong loin Elshaddai .
Na vel lianngan tthawnhnak in zumhfehnak na pek Abraham na kut nem sunparnak in rili theseh ram na ser, chanbau sifakmi caah lung himhnak petu Bawi na sin a tthawnhnak in himnak petu Bawi.
Elshaddai Elshaddai El-Elyon na Adonai kan biak thangtthat mi Pathian hramhthawk donghnak ngei lo Bawi, Elshaddai Elshaddai Elkamkha na Adonai zungzal thangtthat dong loin Elshadai.
Hlan Prophet hna hmurka in Jesuh Khrih caan a nai cang minung theihkhawh lo dawtnak Khrih Messiah in a lang, nunnak ca’h nunnak pek in Pathian timhmi khamhnak rian, sualsal kut in luatnak hmun Calvary tlang raithawihnak
Bawi Jesuh vawlei nun donghnak caan a phan cang, zultu hleihnih he hmunkhat ah thlarau ca’h tiin changreu a lak, vansang cuan in a pa sin thla a cam.Hi changreu cu ka pum a si, I hrawm u law ei tuah uh, nan nung lai.
A rak kir tthan hlan tiang tuah a kan fial, thisen fehtermi biakam thar.Sual ngaihthiamnak caah sui hrai a lak, vansang cuan in a pa sin thla a cam. Hi mitsur hi ka thi a si, I hrawm u law ding tuah uh nan nung lai.
Nelrawn ah pi le pu Mana changreu ei in thlanmual an liam cang, vancung ram
in pekmi zungzal nunnak changreu hmanungbik zaanriah ah Jesuh pekmi,
vawlei mi vialte caah kan thlarau rawl sunglawi bik pumkhat si nak ca a kan
pek.
A rak kir tthan hlan tiang tuah a kan fial, thisen fehtermi biakam thar.Sual ngaihthiamnak caah sui hrai a lak, vansang cuan in a pa sin thla a cam. Hi mitsur hi ka thi a si, I hrawm u law ding tuah uh nan nung lai.
Isreal miphun hlan lio Isreal mi Pathian miphun an si nain Egypt ram ah sal in an zuat hna, Pathian nih a miphun a khamh lio ah rili ti cu kahcham bang an dir, chun ah minmei in zan ah meiceu in a hruai hna an paw ttam ah manna changreu in (Halleluiah)3 tiin an thangtthat.
Harnak tawn caan ah tuar khawh loin lawmh caan ah thangtthat mi an hmurka nih a tu ah Pathian chiat a ser tthan.
Tthangthar Khrihfa cu Adam le Eve an sual ruangah Sehtan nih sualnak in a kan uk, Calvary tlang ah Bawi Jesuh thletmi thisen nih a thleh cang ee thleidanhnak puanzaar, kan herhmi thil cu Bawipa nih a kan pek caah thlaza cam in Bawipa kan thangtthat, (Halleluiah)3 a min thangtthat siseh.
Harnak caan lawng ah thlacam kan thiam lawmh caan ah Pathian thangtthat kan philh ahcun Isreal mi bang kan si ve sual lai. (Tthangthar Khrihfa)3
Hring dildel semnak kan Lairam dawh fing le tlang kipah pangpar an par, tiva cerhti a luang rial tidai umnak van va saram phun tlinhnak Lairam. Khua za kipah miphun tlinhnak ram holh phun le nun phung tlinhnak ram dawtnak thlizil a hrang mihmai kip panhnak miphun thleidan um lo nak Lairam.
Victoria tlang le Kanedi tlang dawh Lairam cawisang tu Rih tili dawh,
chokhlei senhri iang ngei pangpar phuntling cim ni um lo kan Lairam cuan
in.
Kan Laimi tthanchohnak ding ram fimnak mei hluan chin seh Lairam, zuam chin uh leng le val dawtnak lungput he kut ke zawngza in kan Lairam ca’h, muihnak caan cu hnu herhtak in zing khua ceu dawh ah phanh ve cang seh, maw kan biak zingnu aw kan Lairam te hi na kut nem tangah himhter hram law.
Kan Laimi tthanchohnak ding ram fimnak mei hluan chin seh Lairam, zuam chin uh leng le val dawtnak lungput he kut ke zawngza in kan Lairam ca’h, muihnak caan cu hnu herhtak in zing khua ceu dawh ah phanh ve cang seh, maw kan biak zingnu aw kan Lairam te hi na kut nem tangah himhter hram law.
Maw liannganbik Bawipa Pathian velngeih zangfah thiambik Bawpa aw, zungzal nunnak vanram co ve dingah zeidah tuah ka herh.Mosses ttial mi nawlbia hna le Bible ca nih a fialmi vialte, ka rak sem ka in nawlbia vialte cu ka rak zulh dih cang.
Maw ka fa zungzal nunnak lam hmuh na duh ve ahcun, na
chawva zuar law mi sifak kha va bawmh hna cu cun ka hnu rak
ka zul.
Hlan lio Prophet hna an ttialmi kan pupa hna an zulhmi lam le Cungnung bik Pathian duhdim nunnak cu ka rak zulh dih cang. Cungnungbik Pathian Bawipa cu na lungthin dihlak in na dawt lai, cubing in Pathian sermi minung zong na dawt ve hna lai.
Ruat ruat tthan hmanhlaw na nunzia hi ttha te ruat in lam ding kawl tuah, vawlei cung thil chawva phuntling chiah ka duh ee ka kut tangah tuahmi kipah zawnruat hngalh loin tei ka duh ee.Ngeihnak lawng in lawmhnak ka kawl sungh tik paoh ah lung rethei in vakvai hna maw ka thinlung ruahnak.
Ka lung re a thei ka tha a ba nganriat pawpi bang ramlak ah ho bochan in hawi zeirel lo, tisartlam bang ziar ngeih lungput in ka ttih hna seh, thlichia lakah thazang lak in cunglai a zuang van mupi bang hawi tlin lo nak ah thazang lak in teihnak lawng in lawmhnak ka kawl tawn.
Ka thinlung ah rili tilet bang ttah aihram in ka thlarau ka thinlung
khuazaa ruat in lawmhnak ca ruat ruat tthan hmanhlaw na nunzia hi ttha
te’n ruat in lam ding kawl tuah.
Hnangamhtertu Bawi Jesuh dawtnak sung in a ka khamhtu zungzal hmunmi rosung pe kho tu, himhnak hmun ah a ka hruai cang, ka rethei thabat nak chung in a ka hruai cang lawmhnak lam ah a ka himter a kut nem tangah, ttang cung pomh in. Vawlei harnak an lo dih cang hakkau lungput aa dinh ve cang, teihnak lawng in aa nuammi thinlung, a tu ah sunghnak in a tei cang
Kesmani daihnak dum ah Bawipa thla a cam, vawlei misual kan caah vailam cung harnak ca ruat in zaanttim khuamui lak van arfi hna an ttah zan cu.
Lungput lampial zultu Judah vawlei chawva ca’h maw ka Bawipa tiin aa hnamhter ralttang rawi awkah, Bawipa nih aa umter zei hngalh lo bang kan sual ruangah.
Vawlei sualnak le palhnak caah pekchanhnak caan a phan cang maw ka pa, na
duhnak bang sihramseh, a lu kun in thla a cam thlan thisen a luang vawlei ah,
sermi thil nih serhtu Bawi philh zaanah
Thlazaa cam lawng in thlarau tukforhnak tei a si, a rit chin a vailam kan sualnak le palhnak ruangah a luang tthan a thisen raithawinak tlang Calvary ah.
Thlazaa cam lawng in thlarau tukforhnak tei a si, a rit chin a vailam kan sualnak le palhnak ruangah a luang tthan a thisen raithawinak tlang Calvary ah.