Hla Bia
Track 1
Jakob fa le pahleihnih cu, nu hnih chungchuak fa an si ca,
an nu lei tan in dir cun, u le nau remnak um kho lo.
Siseh pa khat fa an si ca, an pa lei tan in an dir cun,
chungkhar ah remnak a leng i, doh tu ral tam pi zong an tei.
chorus
Kan ram zumtu kan dih lak hi, kan nu Khrihfa bu lei tangin,
kan dir i tan kan lak ahcun, u le nau rem nak um lai lo,
hrintu kan Pa Jesuh lei ah, kan dih lak in kan tan ahcun dawtnak le remnak leng lai i,
kan ral satan cu kan tei lai.
Dawtnak in kan kal lai, kut sih in kan tuan lai.
Joshua nih a ral kap lak ah, a thong ho tu zong a chiah bang,
a za ho tu zong a chiah i lung khat tein ral an doh ti,
Pathian pek mi hriamnam ai dang, an kan chiah nak hmun ai dang cio.
Siseh dawtnak in kan kal cun kan ral satan cu kan tei lai.
Moses pek mi hriamnam ai dang, Aaron pek mi zong ai dang ve,
Meriam pek mi cu khuang a si, an miphun caah pek an si,
micheu nih Thawngtha an chim i, micheu zong nih thla za an cam,
micheu nih thil pek in an tuan, kan Pathian ram caah an si.
Track 2
Maw ral vengtu Bawipa, vawlei kan nun caan hi zetik ah dah a dih te lai,
ralring tein um u, khua kha zoh zia thiam u, ni le thla rel thiam u,
Vawlei hi hman zia thiam u sih.
Chorus
Jesuh Khrih bia bangin theipi hnah zong a colh, sualnak zong a karh i zawtnak phung a tam,
ram khat le ram khat zong remnak a leng ti lo.
Chungkhar u le nau hmanh dawtnak le rem nak um ti lo.
Noah chan mi nung le Lot chan minung bang in, sual nak phun za kip a karh cang.
Nu le nu an sual i pa le pa an sual cang. Saram nun kan ngei cang.
Jesuh chim mi biakam a tling.
Nichuah le nitlak lei thawngpang kan theih mi zong kan caah thawngtha um ti lo,
thih nak thawng kan theih i tah nak thawng lawng a thang.
Kan Vawlei pumpi hi hrum ai nak aw thawngin a khat.
Sodom le Gomorrah sualnak in a khah caah van lei kat mei arh a sur tar.
Lot le a chungkhar hna Babylon hlawhhlan nak ram cu chuah tak cang u.
Thlarau hna ngei mi nih thei u
Track 3
Jerusalem lungrawn le maw sunpar no thiang sang chuah tak in,
leinun cawngin Bethlehem lungrawn khua le maw,
caw run panh in nauta thianghlim a chuak an ti.
Eden par a uai cia a corh than e an ti.
Chorus
Kan tlanh ti e kan lawmh ti lai van pangpar dawh khun cu,
zun ngeih hmenh rang puan lu khuh zong hung cang u sih.
Van le vawlei ral a cang cio remnak Van Bawi Fa khun cu,
mikip nun ah lawmh nak par he hun kan leng law.
Nizung a liam sempi unau nihin cu ee mit thlam an cuang.
Chungkhar tling in Bethlehem par kan tlanh lio kha,
than khat cu ee ram lian tlawng in len nak hmun le hma dan ruang ah,
bau ai cang hna ni sung lawi ah kan tling ti lo.
Cung van a zuang deirel aifi mifim pathum hna hruaitu aw,
tluang dang a leng sempi u le nau dawt mi hna,
Bethlehem lungrawn khua le maw Mang Bawi sem nak caw in ah ee,
kan hrui cio law thlarau mit in hmu kho ding in..
Vanmi an zai cungchin van ah Pathian thangthat in um ko seh.
A dawt mi hna lennak lei ah rem nak leng cang seh.
Kan Lai lungrawn khua zung kip ah dawtnak le rem nak leng ko seh.
Mang Bawi Jesuh pek mi dawtnak par tlan hun cun.
Track 4
Semnak kan Lairam te ah par dawh phun tling an par ko,
kan fing le tlang hlawr kuang zong ai dawh.
Siseh kan Lairam te ah chanbau mi pakhat kan ngei,
cucu Cunglei Thlarau Thianghlim a si.
Chorus
Mifim tampi cu kan ngei, mirum tam pi zong kan ngei,
sihmanhsehlaw Lairam a dam kho lo.
Ram le miphun dam nak le ram le miphun cawi san cu
Cunglei Pathian Thlarau Thianghlim asi.
Semnak kan Lairam te ah sui le ngun cu kan ngei ko,
inn le lo tha tampi zong kan ngei ko.
Thlarau Thianghlim tal lo cun,
inn le lo chaw le va hi an cah mithli le lungkhuai tu an si.
Semnak kan Lairam te ah ram dang kal mi kan tam ko,
vawlei thil ah chanbau mi kan ngei lo.
Siseh Cung lei Van khuapi kan sung sual lai ka phang,
Jesuh lawng hi Lam le Biatak luhnak
Track 5
Kan pi le pu nu le pa nih
van Jerusalem thar khua pi
nikhat hnu nikhat an naih
chin I nuam lei panh in an kal
Chorus
Ngeihchiat lungkuai tah ai hram nak hi
khua chungah um ti lai.
Liam cia hawi dawt
kan don tik ah lung duh bia kan phai ti lai..
Vawlei ah nu le pa ngei lo,
arbang riahnak vai mi hna zong kut in sak lo
Van sui khua ah inn tha bik ah kan leng lai.
Vawlei ah nuhmei pahmei zong,
khi khuahlipi kan phak tik ah vawlei ah
ningzah kan tuar mi Jesuh nih an kan hnemh lai.
Kan khual tlawn nak vawlei ram hi kal tak in
Ram nuam kan
panh lio taksa nunnak thlan pin ah khin
Thlarau Ram nuam cu kan ngei.
Track 6
Ralhau tha mi khuapi a him tal kho lo i,
khua vengtu zan khua dei hngilh lo an um zong,
khua an him tal hlei lo, him nak hmuh duh ah cun
Nung Pathian fuh mi lawng him tein an um..
Chorus
Na pawngah mi thongkhat na velchum ah thonghra an thi lai
sihmanhseh nang cu, zeihmanh na tong lai lo,
chun le zan a um mi rai chung in an veng tu hmu nak Bawi na ngei
Na khual lam thuan zong ah nang cu zeihmanh phang hlah
a vanmi thiangrun he Bawipa nih an ven
chiandeih tinung hna le rul si vai thawng hna zong
Bawipa nih an tei piak hallelujah Amen
Har nak le van chiat nak na inn a phan lai lo
nan ral hruang Bawi Jesuh nih an kir zungzal
a thla in an huh I him tein an chiah ko
Tuukhal tha Bawi Jesuh kan hin nak Lungpi…
Pathian nih a ka dawmi cu ka khamh hna lai
an ka auh tik zong ah ka leh ve hna lai,
laksawng ah nunsau nak ka chap hna lo a ti,
keimah cu an Pathian ka si lai a ti.
Track7
Hi vawlei kan nu caan hi a tawi tuk ee vawlei pum cu
leiah ni khat khat cu a kal lai kan Thlarau bel cu
Petu Pathian sin ah a kir ve lai lei ah caan tawi te khual tlawng kan si
Chorus
Nini hi kan dawt mi hna fa nu fa pa nule pa hi an ruak
cungah tah caan kan phan lai.
Dawtmi Ruat cung I tap mi kan nih zong hi nikhat khat cu kan ruak cungah an rap ve te lai
Hi vawlei chaw va ruang ah chungkhar nu pa leng cim hlan ah
khua za ram Kip ah kan I then I mi cheu cu
sunghno nu pa taang kop loin lei dai an ciam u nau kan vawlei caan a tawi tuk…
Cucaah zumtu u nau nu le pa hna hi
vawlei caan tawite kan khual tlawn nak Ram ah
hin Jesuh he leng ti u sih
chungkhar lawm in thangthat ti I sih dawtnak cu kan rawl thaw bik si seh…
Track 8
Khua sik zandai Bethlehem tlang khi cuan hmanh,
deirel aifi a ceu,
nichua ni tlak mifim pathum hna hruaitu,Bethlehem lungrawn ah.
Sui le lungvar zihmui rim thaw cu put in, nau te Jesuh cu an biak,
Van Siangpahrang Bawi bik fa pa ngeihchunh cu kan caah a chuak cang.
Chorus
Aa sang bik van ah, Pathian thangthat in,a dawtmi umnak,
hi vawlei ahhin, remnak leng seh tiin vanmi hla an sa,
a thianghlim mi zan ah….
Tuukhal hna zong ceunak ngan pi cu an hmu,thin phang in um hlah u,
David khua ah nan ca khamhtu Messiah cu, nihin ah a chuak cang..
lawm in an khat khul rang ngaih in Bethlehem,
khua lei panh in an kal,
Emmanuel Pathian Jesuh cawinn ah khukbil bu in an biak…
Nichuah nitlak um mi u nau nu le pa, Christmas ni sunglawi ah,
lungrawl khua dawh panh in nih lawng a len bang, zulthlai mai an kal cio a,
a thlumtuk ee a thlum hringhrang Bethlehem par Christmas lawmhnak ni sung ,
chung nitlak le zan khua dei zong kan cim lo, chuah ni lawmhnak ni sung…
Mifim hna bang laksawng rimthaw, kan ngei lo,kan Pathian ke hram ah,
nichuah nitlak chak le thlang I a um mi hawikom dawt hna caah,
Christmas laksawng thlaza cam piak cio u sih, cucu mansung a si,
Pathian Bia Nung Bible ca Thiang kua u sih, kan caah nun nak a si…
Track 9
Rosung kan ngei, vawlei mi hna I pek khawh lo Van lei rothil Pathian pek mi,
rosung bik cu ka thinlung ah, lawm in a khat
Chorus
Jesuh cu kan zeizong a si, nunnak damnak, hnangam nak zong,
Amanh ngeitu nun cu ai dawh, vawlei kong ah an buai ti lo….
Mit in si lo nun in kan hmuh, cuca’h chunglei lawmhnak kan ngei,
kan umnak zong vawlei si lo, zumhnak in van ah kan leng cang…..
A um cia ah kan I lawm lo, Jehovah jireh kan Pathian,
kan herh ningin tumcok Pathian, cucu zumhtu lawmhnak a si…..
Nitin kan thi nitin kan nung, vawilei a zor thlarau a thang,
dohtu kan ngei dawtu an tam, Jesuh chim mi bia kan a si…
Track 10
Pathian bia hi mikip nih kan chim cio sihmanhsehlaw Thiang Thlarau tal locun
theitu nun ah sullam zei a ngei lo, cawnnak ruang le thiamnak ruang ah si lo…
Chorus
A Thiang Thlarau thawnglawng lawng in a si. Mipi damnak theitu nun cawmtu cu,
a Thiang Thlarau thawnglawng lawng in asi. Thlarau hnuk lawng mipi cawmtu a si…
Thangthat hla hi mikip nih kan sak cio, sihmanhsehlaw Thiang Thlarau tal locun,
mikip nun ah thilti khawh nak um lo, aw that ruang le thiamnak in a si lo….
Pathian sin ah Thlaza cu kan cam cio, sihmanhsehlaw Thiang Thlarau tal locun,
a Nung Pathian sinah phan kho lai lo, kan Pathian cu Thlarau in biak a herh…
Pathian rian hi mikip nih kan tuan cio, sihmanhsehlaw Thiang Thlarau tal locun,
Khrihfa bu le mipi damter loin, zawter tu buai tertu kan si tawn…..
Track11
Hawikom tha Jesuh he nun cu horkuang le lungpang lak zong ah,
thlichia le tilet lak zong ah siseh, a kut nem in a ka hruai ca’h, harnak nih ka nun a tei lo
Sifahnak le harsat nak nih, a tei khawh lo mi nun a ka pek,
mithli lak zongin lawmhnak nun kan ngei, thangchiat le soisel tu hna caah thlacam nun a ka pek…..
Chorus
Ka tal thuam tha bik Kesuh Kei ka him nak zong Jesuh,
vawlei sual ral lian tho hmanhseh ralhruang tha Jesuh ka ngei….
Vawlei zohnak mit silo in, van lei zohnak mit a ka pek,
vawlei hawikomhnak nun a ka lak piak, van lei hawikom nun a ka pek, cucu ro lak rosung a si…
A thluachuah mi thil hmete zong, sunglawih le lawmh zia a ka chimh,
a thluachuah a lianngan mi zong, porhlawtnak nun a ka lak piak, thluachuah rel zia a ka cawn piak….
Track 12
Lennak caan a tawi tuk ee, sian lo u le nau vialte,
Pathian thluachuah tangah kan len lio ah,
thennak caan kan phan tuan ee tian nak can kan phan cang.
Pathian rem ruat phen in kham khawh silo.
Chorus
Dam tein mangtha u, sian lo u le nau hna.
thinlung mitthil a luang ee sian lo mitthli a luang ee,
siseh van ah lawmhnak pangpar an si
Pumsa thennak vawlei ah, lung khuai in kan tian zong ah,
then ti lo nak van khuapi ruah chan in, nunnak pulpit kan I hrawng,
thlacam in ram kan nor ti cucu Bawi Khrihfa mi kan rian a si
Dam tein aw dam tein, zatial kuk nem te chan in kan tian ne lai,
hmai lei tonnak hngak in, ni le thla kan rel ti lai,
ton than ni le caan ah, dawtmi u nau nu pa an tling hna maw?…
Track 13
Maw David fapa ka zaangfah tiin mithli tla in Kanan mini cu lungkua in a tap,
fanu zumhnak le mithli nih Jesuh thinlung a ton, cucaah fanu te cu a dam ter….
Chorus
Zumnak in thla kan cam ahcun, Pathian thinlung a ton, a rawk cia thinlung a dam tertu Bawi a si,
thlarau nu le pa dihlak nih, kan ram kan miphun ca’h, mithli he Pathian sin thla cam u sih…
Ti le rawl loin Nineveh khua zong thla an cam I, Pathian zaangfah nak niceu dawh an hmu,
kan ram le kan miphun caah rawl ulh thlacam ahcun, Pathian zaangfah nak kan hmu lai…
Moses nih a miphin caah rawl loin thla a cam, Pathian nih an ca’h nawlbia thar a pek,
lam pial mi kan miphun dihlak biatak kan hmuh nakhnga, rawl loin Pathian sin thla cam I sih…
A rawk cia mi Jerusalem, caah Nehemiah cu rawl loin Pathian sin ah thla a cam.
Cucaah a rawk cia vampang cu remh than in a um, a rawk cia kan ram ca’h thlacam u sih….