Tap Lo Kho Kan Si Lo

Track 1

Lawmhnak niceu dawh a tlang ee, Bawipa pek mi niceu dawh cu,kan ram ah mikip nih tlanh dingin Bawipa ceunak a tlang cang, khuaitizu nak in a thlum deuh, Dawtu Bawipa an kan dawtnak, vawlei thil he tah khawh a si lo, cung nung hlei e a dawt nak….

Chorus
Zeitik hmanh a dong kho lomi, Cungnungbik Bawipa dawt cu, kan sinah ni hmanung bang a luang, a duhmi paoh caah asi. Sifak mifim thleidang lo le, mihrut mifim thleidang loin in, mi vialte caah a nun a pek, a panh mi damnak an hmu

Nu le pa nih hlawt cia mi le, u le nau nih hlawt cia mi zong, hlaw loin a daw zungzal tu le, an kan cohlan tu a si, sual chinpit in a sual mi zong, kan sual hmuh piak lo tu a si, hawi dawt na tlau in rak kir cang, Bawipa dawtnak nih an hngah….

Sualnak tilet a tho chinchin, Bawipa dawtnak  a lang chinchin, Satan riantuannak a thawng chinchin Bawipa thawngnak a lang chin, na sualnak zeitluk tam hmanhseh senduk hmanh in sen ko hmanhseh, hawhra nak rangin a thian ter cang….

Track 2 

Nihin hawi dawt nu le pa, Bawipa dawtnak hngal lo in, thihnak hell ram lei panh in nuamngai in a kal mi hna, an lam thluan ka zohzawn ah, thinlung kuai in ka tap tawn, saram fa nih si tung lo hell ram an lenh lai fah cu

chorus
Kan zaangfah ko maw Bawipa, kan kal tak hrimhrim hlah mu, kan au peng ko maw Bawipa, na aw kan theih khawh hlantiang,  thinlung kuai in mithli he, kan aunak kan theipiak law, lunglawmhnak niceu dawh cu, kan ram ah ni bang tlang seh,,,

Khuaitizu nak in thlum deuh mi na kan dawtnak sung cu, a thlum alnak hngal lomi vialte nih hngal dih hna seh, chimnak in pemhtu silo nun in pemhtu si hna seh, kan nun ah na mui cuang seh, mikip nih hmu khawh dingin.. 

Bawipa na dawtnak sung hi, mikip nih an thei nakhnga, Thlarau Thiang in rak phuanglaw ,mi vialte luat dih hna seh, kan caah vailam cungah na nunnak na pek bangin, na caah thih tiang zumhtlak sal tha si ter dih hram hna..

Track 3

Maw ka Bawipa na kan dawtnak kong thawngtha, thinlung kekkuai mitthli he kan chim zongah. An thei thiam lo dawtnak aw an thei thiam lo. Thinlung meibang alh ruangmang ee cu ka thin…

Chorus
Kan ram damnak ca’h Bawipa mitthli he kan tah hi kan let hram ko mu Bawipa kan zaangfah ko mu Bawipa. Ti le rawl loin kan i auhnak aw hi kan let cang law, kan ram hi damter ko cang..

David nih na um nak van lei lawng ka zoh na ka leh hlan tiangin kan au peng ko lai ati bang in kan ram dam nak din caah na ka leh hlan lo kan au peng ko lai…

Maw ka Bawipa bochan ding dang kan ngei lo, kan nunnak hrampi cu nangmah lawng na si. Sal nu sal pa nih an bawi an bochan bang, kan i bochan kan ram damnak ding caah..

Track 4 

Hnangannak le lawmhnak tling cu ka ngei cang, Bawipa sin in a ra mi hnangamnak lawmhnak,
vawlei nih hrawh khawh lomi hnangamnak cu ka ngei cang, sui le ngun in cawk khawh lomi hnangannak, fimnak thiamnak in cawk khawh lo hnangamnak, vawlei I pek khawh lo mi hnangannak cu ka ngei cang…..

Chorus
Cu lawmhnak cu ngeilaw kan duh, cu lawmhnak cu co law kan duh, cu lawmhnak cu na co ahcun Eden nun thar ngeitu na si….

Micheu nih vawlei ah hnangamnak an kawl, lawmhnak le daihnak tlamtling hmu khawh ding ah chuak le cho an kawl an hmu kho lo hnangam lawmh nak, vawlei ah a um lo cu hnangamnak cu Bawipa Jesuh Khrih sin lawnglawng ah a um, Amah nun a ngeitu lawnglawng nih an ngeih mi a si…

Bawip pek mi lawmhnak tling ngeitu lawng nih, vawlei harsaknak tilet a thawh tikah, Lunglawm le hmaipanh in teinak an hmu hallelujah, an I lawmhnak cu vawlei thil ah si lo, an hram bunhnak zong vawlei ah a si lo, Bawipa Pathian ah a si ca’h a zungzal in an i lawm…

Track 5

Tap lo kho kan silo, kan ram a dam hlan cu, kan ram zoh ah thinlung a kuai tuk ee, Dawttu dawtnak hngal loin leipar dawh tlan mi, nunzia zoh ah thinlung mei bang a mang…..

Chorus
Balaam lungthlen tu la aw holh cang law, kan ram tuukhal lam pial mi an tam tuk. Ceunak cu kal tak in mui nak lam cu an panh kir thiam lo in leipar dawh cu an tlan…….

Tap lo kan si lo kan ram a dam hlan cu, kan tah nak hramnak kan theih piak hram Bawipa, kan let cang law kan damter cang kan ram te hi na sunparnak kan rah lang cang seh….

Tap lo kho kan si lo kan ram a dam hlan cu, kan ran nih damnak hmuh ve seh kan duh, chung sivang in kan tahnak hi kan let ko cang, kan Ram ah Thlarau par dawh par cang seh….

Tap lo kho kan si lo, kan ram a dam hlan cu, kan ram Thlarau saltang mi an tamtuk, kan ram a dam kho lo, kan ram a ngan a fak. Tap lo kho kan si lo a dam hlan cu…..

Track 6

Kan laimi phun cheukhat nih kan tlaihchan I hawi tha ah kan ser mi, wine le zu kan rak ral  ngan bik kan ci hmittu an si. Kan damnak silo in an kan thattu thancho nak silo in tumchuk tertu kan Pathian he an kan thentu kan ral ngan bik an si…..

Chorus 
Aa daw mi nu pa an kan thenter tu, aadaw mi pa fa an kan thentu pakhat le pakhat an kan ral tertu thiseh chuah tertu an si. Chungkhar ah ngeichiat buai nak chuah pitu lungkuai in tah aihramn nak chuahpi tu kan ral nganbik kan cihmit tu cu wine le zu an si….

Mifim mi thiam mi hurt ah ser dihtu mirum milian sihfah ter dihtu kan ral nganbik, cu wine le zu an si. Zalam tlang ah mah le mah hngal loin ningzah zong hngal loin um tertu zong hawikom tha ah kan ser sual mi kan ralpa zu a si….

Pahmei cu lo pahmei kan sinak le nu hmei cu lo nu hmei kan si nak zong, hawi dawt ruathmanh wine le zu hi an si. Ngaktah cu lo an kan ngaktah tertu thih caan cu loin an kan thih tertu zawtnak tih nungin zawt tertu cu wine le zu hi an si…

Track 7

Kei cu Bawipa santlai lomi ka si, na caah tuah khawh mi ka ngei lo, zoh chun awk tlak in ka nung kho lo, san ka tlai lo ka chan bau tuk Bawipa….

Chorus
Vawlei le a chung thil vialte nak in, kan duh kan dawt kan tlaihchan deuh Bawipa, na duh bangin ka hmang ka nunnak hi, ka kal tak hrim hlah mu…..

Micheu nih an vailam put duh loin, vawlei nuamhnak par tlan hmanh hna seh. Zeizong te hnu chit in maw Bawipa, zulh kan duh peng ka bawm peng mu Bawipa……

Dawtnak in ka nun hmangtu ka Bawipa, ka nunnak ngeitu le uktu Bawi, siangpahrang vialte lak Siangpahrang, thihnak teitu minthang cung Pathian….. 

Track 8

Bawipa dawtmi u le nau hna, Bawipa sinah rak kir cang, na sualnak zeitluk tam hmanhseh a dawtnak Vel a ngan deuh. Dong nih ngei lo Bawipa dawtnak na caah zungzal in a luang. Nunnak tinung a tu rak ding cang khamhtu Bawi nih an hngah ko..

Chorus
Dawtnak dong thiam lo Bawipa dawtnak. Sualnak vialte ngaithiam tu dawtnak. Misual kan lei ah a tang mi, a min ah dawtnak Pathian. Bawi Jesuh Khrih cu kan caah lam le biatak le nunnak a si…

Misual nang le Kei ai awh in kan caah thihnak a tuar, kan sualnak leiba a cham dih nang le kei miluat kan si, kan mah tuah sernak ai terlo, dawtu Pa dawtnak a si.Aw a sunglawi e, a sunglawi hringhrang Bawipa dawtnak khuaruahhar…..

Vawlei uktu le nawlngeitu nih misual an kawl tik ah, an hmuh ahcun an tuk an velh an tlaih I thong ah an khumh. Siseh Bawi Jesuh nih misual a kawl I a hmuh mi cu a sual a ngaihthiam a thilrit a chan zungzal nunnak ro a pek…

Hringtu nu pa u le nau nih hlawt mi unau nan um maw? Bawipa dawtnak nih an hlaw lo a tu tiangin an hngah ko. Phuhrunnak zeihmanh ngei lo in dawtu Bawipa cu panh cang an pom an hlam lai a dawtnak Vel in na khamhtu Bawi Jesuh nih….

Track 9

Lei mit hmuh ah santlai lo sihmanhsih, Bawipa mi hngalh kan si hi a sunglawi tuk ee. Zeihmanh ngeilo si hmanh seh, zeizong te ngeitu kan si. Hallelujah van Siangpahrang fa kan si….

Chorus
Minauta kan silo thisen cawkmi kan si. Hi lei ah um hmanh sih, hi lei mi kan silo. Sui le lungvar phung tling tamh mi van khuapi fa kan si. Kan Pa umnak van khuapi dawh panh in kal mi kan si….

Vawlei ah harnak phunkip tong hmanh sih. Lei harnak tei khawh lo nun thar ngeitu kan si. Kan ruahchannak cu vawlei ah si lo van ah a si. Hallelujah can Siangpahrang kan si….

Lei ah sarhset zonhteih tong ko hmanh sih a poi lo an thei thiam lo Vawlei mi nih cun, kan sining hngal hna seh law an kan sarhset ngam hnga lo. Hallelujah can Siangpahrang fa kan si…

Track 10

Hell ram au thawng a thang. Holh in chimh khawh lomi mirum pa intuarnak nih thawng an kan thenh. Ngeihchih san a tlai lo sualphuan san a tlai lo. A caah zaangfahnak ni a liam cang

Chorus
Mithiang mi hna an um nak van sui khua. Nang le kei nikhat khat kan phan te lai. A kal cia kan unau hna kan ton tik ah, ngeihchiatnak vawlei nun hi kan philh te lai…

Nang le kei caah cun, sual phawtbnak um ti lo. Vailam Cung in Jesuh nih leiba a cham. Cross ah nun hlun a thi cross ah mithar kan si. A dawtnak ka chim cawk lo hallelujah…..

Tlanhnak Thawngtha chim tu, khamnak Thawngtha chim ding Jesuh nih vawlei ah fial chih kan si. Unau na kal lai maw? Unau na zam lai dah? Bawipa lo facang tuantu an tlawm tuk ee…..

Vawlei caan dongh tik ah, biaceih nak a um lai. Nunnak cauk nganpi an kau te lai. Thiang Thlarau chinchiahnak ngei lo mi vialte cu hell ram ah a zungzal in an tap hram lai…

Track 11

Kan nih cu ee vancung ee ralkap bu kan si. Pathian Pennak Thlarau ram thar dirh tu kan si. Pathian pek mi ralthuam tling e cu ken buin Vawlei ah ee deirel arfi bang kan ceu lai…..

Chorus
Nichuah nitlak chak le thlang e lei kil li ah lei pennak e hrawh in Van Pennak kan dirh lai. Chiandeih le caw tum le rul le hngakchia, an len ti nak Zion ram thar par kan tlan ee…

Izipt ram ee a chuak rai ee zawtnak hna zong, Pathian Pennak kan ram ah ee um ti lai lo. Babilon ee hlawhlan nun zong um ti lai lo. Dinnak le maw dawtnak tizu thlum kan tlan lai…

Ram khat le maw ram khat dohnak um ti lai lo, khua khat le maw khua khat thah nak um ti lai lo. Zion Bawi ee thladem tang ah, ti um nga bang kan leng ti ee kan lawmh ti e kan lam ti lai…

Zingnu Pathian nih ee a mit falai bang in a ven I ee a kil mi ee miphun kan si. Harmon Van dap a luannak ee Zion tlang dawh thluachuah co tu miphun kan si hallelujah …

Pa Pathian ee kamhmi Kanaan ram e thluachuah khuaitizu le cawhnuk luannak ram kan phan ee Pennak thluachuah cotu kan si. Hallelujah Jesuh tuukhal thladem tangah kan leng ti ee….

Track 12

Jesuh nih ka hnu a zultu ding cu a mah vailam tah kha I put in chungkhar u nau nu le pa a kal tak lai. Jesuh hnu zulh cu kutka bi a si pangpar rimhmui phah mi lam si lo. Hling le so in a khat mi lam thluan a si…

Chorus
Mitam pi nih an zul kho lo. Halnak pinah thluachuah lam thluan a si, hmuh khawh vawlei ah ro kan ngei lo, hmuh khawh lo Ram ah ro Sung kan ngei vawlei zong ah musk pho in ankan chia lo

Mithiang Paul zong nih hi ti hin a chim an kan doh i an kan rial zungzal sihmanhsehlaw kan kek thai bal lo a ti. Kan nih cu kut hnawm hnawhnak puan kan si vawlei ah hin hnawmtinphor kan si cucu kutka bi lam zulh nun cu a si…

Lebanon tlang I sidar thingkung cu thlichia lak ah fek tein a dir Pathian biakinn dawh sak nak caah hman a si, hneksaknak tilet tukforhnak thlichia hrang ko hmanhseh kan Pathian caah thih tiang zumh awk tlak sal tha si ko u sih…

Jerusalem ah Jesuh cit mi la fa no te cu rethei ko hmanhseh khuapi chungah lunglawmhnak he an rak don. Jesuh cit mi nun cu har ko hmanh seh van Jerusalem kan tlun tik ah Mi Thiang hna nih pangpar thi he an kan hngah….